Posted: 03/08/2013 01:11 PM IST

టాలీవుడ్ లో మరో మల్టీ స్టారర్ గా నాగచైతన్య – సునీల్ లు జంటగా తమిళ చిత్రం రీమేక్ లో నటిస్తున్న విషయం తెలిసిందే. శ్రీసాయి గణేష్ ప్రొడక్షన్స్ బ్యానర్ పై బెల్లంకొండ సురేష్ నిర్మిస్తున్న ఈ చిత్రానికి ‘చిన్నోడు-పెద్దోడు ’ అనే టైటిల్ ని పెట్టబోతున్నట్లు సమాచారం. మొదట ఈ చిత్రానికి ‘తడాఖా ’ అనే టైటిల్ పెట్టాలని అనుకున్నా, స్టోరీకి తగ్గట్లు ఫన్ గా ఉండాలని భావించి ఈ సినిమాకు ఈ టైటిల్ ని నాగార్జున ముందు ఉంచారట. దీనికి నాగార్జున గ్రీన్ సిగ్నల్ ఇస్తే ఇదే టైటిల్ ని ఖరారు చేస్తారని అంటున్నారు. కొంచెం కష్టంతో పరిచయమైన పి.కిశోర్‌కుమార్‌ (డాలీ) ఈ చిత్రానికి దర్శకత్వం వహిస్తున్నారు. బెల్లంకొండ సురేష్‌, బెల్లంకొండ గణేష్‌బాబు నిర్మాతలు. ఈ చిత్రం గురించి నిర్మాత మాట్లాడుతూ...''ఆద్యంతం వినోదాత్మకంగా సాగే చిత్రమిది. ఇందులో సునీల్‌, నాగచైతన్య అన్నదమ్ములుగా నటిస్తున్నారు. ఎప్పుడూ సరదాగా ఉండే ఆ సోదరులు చేసే సందడి ఆకట్టుకొంటుంది''అని తెలిపారు. ప్రస్తుతం వైజాగ్ లో చిత్రం షూటింగ్ జరుగుతోంది. షూటింగ్ దాదాపు పూర్తి కావచ్చింది. ఈ సినిమాను త్వరలోనే విడుదల చేయడానికి సన్నాహాలు చేస్తున్నారు.  సీతమ్మ వాకింట్లో హీరోల పేర్లను ఆదారంగా చేసుకొని ఈ సినిమా టైటిల్ని ఖరారు చేశారని అంటున్నారు. మరి ఈ చిన్నోడు, పెద్దోడు ఎంత వరకు అలరిస్తారో చూడాలి.